“யாயும் ஞாயும் யாரா கியரோ
எந்தையும் நுந்தையும் எம்முறைக் கேளிர்
?
யானும் நீயும் எவ்வழி அறிதும் ?
செம்புலப் பெயல்நீர் போல
அன்புடை நெஞ்சம் தாம் கலந் தனவே”
பாடலின் பொருள் :
என் தாயும் நின் தாயும் எம்முறையில்
உறவினர் ? என்
தந்தையும் நின்தந்தையும் எவ்வகையில்
உறவினர் யானும்
நீயம் ஒருவரை ஒருவர் எவ்வகையில்
உரியவரென அறிந்தோம்?
செந்நிலத்துப் பெய்யும் மழை நீரானது
தானும் அம்மண்ணுடன்
கலப்புற்றுச் செந்நிறமாவது போல
நம்முடைய அன்பு கொண்ட
நெஞ்சங்கள் தாமே தம்மில் கலந்து ஒன்று
பட்டன .
பாடலைப் பாடியவர் பெயர் தெரியவில்லை
பாடலில் வரும் உவமையை வைத்து
செம்புலப் பெயல் நீரார் என்று பெயர்
வைத்துள்ளனர்
இப்பாடல், குறுந்தொகைப் பாடல்களிலேயே மிகவும் புகழ் பெற்ற ஒரு பாடல் என்று கூறலாம். செம்மண்ணும், நீரும் போல மணமக்கள் இருவரும் அன்பினால் கலந்திட வேண்டும் என்ற பொருளில் பெரும்பான்மையான திருமண வீடுகளில் இப்பாடல் மேற்கோளாகக் காட்டப்படுவதுண்டு.
ReplyDelete