குறுந்தொகை - பாடல் 48

தாதிற் செய்த தண்பனிப் பாவை

காலை வருந்துங் கையாறு ஓம்பென

ஓரை ஆயம் கூறக் கேட்டும்

இன்ன பண்பி னினைபெரி துழக்கும்

நன்னுதல் பசலை நீங்க , வன்ன

நசையாகு பண்பின் ஒருசொல்

இசையாது கொல்லோ காதலர் தமக்கே ?"

பாடலின் பொருள் :

பூந் தாதுகளால் செய்த மிகுந்த குளிர்ச்சியை உடைய பாவையானது

காலை நேரத்தில் வருந்துகிறது .செயலற்று வருந்தும் அதன்

துன்பத்தைப் போக்குக என்று 'ஒரை என்னும் விளையாட்டின் போது

தோழியர் கூட்டம் தலைவியிடம் கூறியது அதைக் கேட்டும் இத்தகைய தன்மையுடன் வருந்திப் பிரிவாற்றாது பெரிதும் துன்புறுகிறாள் நல்ல நெற்றியை உடைய தலைவி .அவளது பசல நோய் நீங்கும்படி அவள் விருப்பத்திற்கு ஏற்ற பண்பினை உடைய அந்த ஒரு சொல்லை உன்னை விரைவில் மணந்து கொள்வேன் என்று சொல்ல காதலருக்கு  மனம் இசையாதோ

பாடலை பாடியவர் பூங்கணுத்திரையார்